Merdim

Faîk Axdat

 

Merdim mabênê erd û asmenî de

Domanê sêwî yo

Berbeno

Merdim mabênê tarî û roştî de

Keybero bi zembelek o

Merdim mabênê heq û şeytanî de zureker o

Mabênê cenemî û cenetî de hewnê şewe

Nêzana dinya zureker a yan kî qul

Nêzana dinya merdimî xapênena yan kî

No kam o qisey keno zerrê ma de

Rind, xirab û weşîye çik a

Pero sanik sanya birayê mi

Herdo Dewres asmêno kewe

To çiton wazena hen o

Rind û xirabe dinya to bi xo ya

Rûye xo bi çarne asmênî

Çi vînena

Taba çin o

Çik o to nêzanena

Rûyê xo bi çarne erdê rut û repal

Çi ke esto zerya to der o bira

Çiyo bîn zur o